Viðburðir

Dagsetning Viðburður Tími
27.10 2017 Grindavík-Tindastóll 20:00
04.11 2017 Hofsósingamót 2017 20:00
04.11 2017 Skagfirsk lög í Salnum 20:00
09.11 2017 Keflavík-Tindastóll 19:15
04.12 2017 KR-Tindastóll 19:15
14.12 2017 Stjarnan-Tindastóll 20:00
04.01 2018 ÍR-Timdastóll 19:15
02.02 2018 Haukar-Tindastóll 19:15
12.02 2018 Þór Þ - Tindastóll 19:15

Hofsósingurinn negldi þetta!

06.10.2017

Fyrir okkur Skagfirðingana var sérlega skemmtilegt að sjá varnarjaxlinn Kára Árnason (til hægri á meðfylgjandi mynd KSÍ frá Tyrklandi) gulltryggja sigurinn gegn Tyrkjum, með þriðja markinu. Sonur Fanneyjar Friðbjörnsdóttur frá Hofsósi stóð sig frábærlega í vörninni, líkt og allt landsliðið, sem er á góðri leið með að tryggja sér farseðilinn á HM í Rússlandi sumarið 2018. Gaman að þetta gerist í nær sömu svipan og Skagfirðingafélagið heldur upp á 80 ára afmælið! Og stutt er í Hofsósingakvöldið 4. nóv!

Lesa meira

Danslagakeppnin í Salnum 4.nóv

05.10.2017

Skammt stórra högga á milli hjá Skagfirðingum á höfuðborgarsvæðinu. Þegar þeir hafa rétt jafnað sig á 80 ára afmæli Skagfirðingafélagsins þann 7. október þá skunda þeir í Salinn í Kópavogi 4. nóvember til að hlýða á vel valin lög úr Danslagakeppninni sem haldin var á Sæluviku í þá gömlu góðu daga. Verið er að fagna 60 ára afmæli keppninni en dagskráin var flutt á Sæluvikunni sl. vor. Miðarnir rjúka út og síðasti séns að komast að. Hægt að kaupa miða á Salurinn.is og tix.is.

 

Lesa meira

Öllum boðið í 80 ára afmæli!

05.10.2017

Skagfirðingafélagið fagnar 80 ára afmæli sínu með glæsilegri dagskrá í Ferðafélagshúsinu Mörkinni 6 í Reykjavík laugardagskvöldið 7. október. Öllum er boðið sem vilja og komast, frítt inn á meðan húsrúm leyfir og barinn opinn! Tónlist, söngur, gleði og dans fram á nótt.

Lesa meira

Jón í Gránu langafi Öglu Maríu

19.07.2017

Skagfirðingafélagið hefur komist á snoðir um að fleiri Skagfirðinga sé að finna í íslenska kvennalandsliðinu en Guðbjörgu markvörð. Hin unga og bráðefnilega Agla María Albertsdóttir, sem verður 18 ára síðar á þessu ári, er langafabarn Jóns Björnssonar, Jóns í Gránu, og Unnar Magnúsdóttur. Agla María var í byrjunarliðinu gegn Frökkum, í sínum fyrsta mótsleik með landsliðinu og stóð sig vel í framlínunni, í baráttu við risann Renard. Lét hún rækilega til sín taka.

Lesa meira

Hofsósingur á milli stanganna á EM

17.07.2017

Nú þegar EM kvenna í knattspyrnu er hafið í Hollandi þykir Skagfirðingafélaginu rétt að minna á að Skagfirðingar eiga minnst einn leikmann í íslenska liðinu, aðalmarkvörðinn Guðbjörgu Gunnarsdóttur. Móðir hennar, Guðrún Björnsdóttir, er frá Hofsósi, kennd við Grund, dóttir Guðbjargar Guðnadóttur og Björns J. Þorgrímssonar, sem gjarnan voru kölluð Bubba og Bjössi á Grund. Búi lesendur yfir upplýsingum um fleiri núverandi landsliðskonur með skagfirskar tengingar þá endilega sendi þeir póst á info@skagfirdingafelagid.is

Lesa meira

Danslagakeppnin 60 ára

13.03.2017

Mikið verður um dýrðir í upphafi Sæluviku Skagfirðinga í vor þegar haldið verður upp á 60 ára afmæli Danslagakeppni Kvenfélags Sauðárkróks. Þá fara fram tónleikar á skemmtistaðnum Mælifelli á Sauðárkróki, föstudagskvöldið 28. apríl kl. 21. Síðustu forvöð eru að tryggja sér miða.

Lesa meira

Ásta og Sigurjón Skagfirðingar ársins

22.01.2017

Á þorrablóti Skagfirðingafélagsins voru þau heiðurshjón Ásta Hálfdánardóttir, frænka Ástvaldar Guðmunds (Itta), og Sigurjón Ámundason kjörin Skagfirðingar ársins 2017. Þorrablótið fór vel fram að vanda og mikið stuð í Mörkinni fram á nótt, við dúndrandi undirspil hljómsveitar Ellerts Jóhanns og Álfanna.

Lesa meira

Skagfirsk sveifla á þingi

12.01.2017

Sunnlendingar kvarta mikið yfir því að eiga ekki ráðherra í ríkisstjórn en hvað geta þá Skagfirðingar sagt? Eða Húnvetningar? Eða Austfirðingar? Vestfirðingar? Eyjamenn? En Skagfirðingar eiga þó all nokkra þingmenn og líklega hafa uppaldir Króksarar aldrei verið fleiri á Alþingi en nú. Skagfirðingafélagið kíkti á málið.

Lesa meira

Ari Eldjárn og fleira góðmeti á þorrablótinu

09.01.2017

Þorrablót Skagfirðingafélagsins verður á öðrum degi Þorra, laugardagskvöldið 21. janúar nk. í Mörkinni 6, veislusal Ferðafélags Íslands. Ari Eldjárn fremsti uppistandari Norðurlandanna mætir á svæðið, stórsöngvarinn Ellert og veislustjórar verða Gústi Kára og Valgerður Erlings. Þetta getur ekki klikkað! Miðasala í fullum gangi og þið getið lesið allt um það hér.

Lesa meira

Fallegt jólalag hjá Steini Kára

21.12.2016

Nú þegar jólin nálgast er gott að finna sér tíma til að setjast niður, slaka á og hlusta á falleg jólalög. Skagfirðingurinn Steinn Kárason, sonur Kára Steins og Distu, á fallegt lag, Helga himneska stjarna, sem Sigurbjörn Einarsson biskup gerði ljóð við.

Lesa meira

Kaffiklúbburinn á fleygiferð

11.12.2016

Kaffiklúbburinn Skín við sólu heldur áfram uppteknum hætti, sem aldrei fyrr, og hittist á hverjum laugardagsmorgni kl. 10 á kaffihúsum sunnan heiða. Dagskrá klúbbsins til vors hefur verið sett hér inn á síðuna til hliðar. Eru Skagfirðingar hvattir til að fjölmenn á þessa á þessa skemmtilegu fundi. Þar eru heimsmálin leyst hverju sinni og rifjaðar upp gamlar sögur,.

Lesa meira

Þá er það þorrablótið 2017

11.12.2016

Þá er komið að því, styttist í þorrablótið 2017 hjá Skagfirðingafélaginu. Það verður haldið um leið og þorrinn brestur á, eða laugardaginn 21. janúar. Nánari tímasetning kemur síðar en stjórn félagsins minnir Skagfirðinga nær og fjær á að taka daginn frá. Blótið fer fram í húsi Ferðafélags Íslands í Mörkinni í Reykjavík.

Lesa meira

Karfan farin að rúlla

20.10.2016

Jæja, þá er fjörið byrjað í körfunni hjá Tindastóli. Nokkuð breytt lið en kjarni heimamanna áfram, þó td Ingvi Rafn Ingvarsson sé farinn til Þórsara á Akureyri ásamt Darrel Lewis. Darrell Flake fór til Skallagríms. Meðal nýrra leikmanna eru Chris Caird, Pape Seck, Mamadou Samb og ÍR-ingurinn Björgvin Hafþór Ríkharðsson. Skagfirðingar sunnan heiða geta séð útileikjaprógrammið hér á síðu Skagfirðingafélagsins.

Lesa meira

Og Hannes Þór líka!

16.06.2016

Enn berast fregnir af tengslum strákanna okkar á EM við Skagafjörðinn. Nú bætist Hannes Þór Halldórsson markvörður í hópinn sem átti stórleik gegn Portúgölum. Er hann fimmti landsliðsmaðurinn í EM-hópnum sem tengja má við fjörðinn fagra, fyrir eru Rúnar Már Sigurjónsson, Kári Árnason, Hjörtur Hermannsson og Gylfi Þór Sigurðsson.

Lesa meira

Okkar menn á EM í Frans

13.06.2016

Jæja, þá er stóra stundin runnin upp. Ísland að hefja leik á EM í Frakkalandi og ekki úr vegi að rifja upp hvaða leikmenn hafa skagfirskt blóð í æðum! Fyrstan skal nefna Rúnar Má Sigurjónsson, son Sigga Magga og Sigurlaugar Konráðs, svo er þarna hálfur Hofsósingur í vörninni, Kári Árnason, og hinn ungi og efnilegi Hjörtur Hermannsson rekur ættir sínar að Ysta-Mói í Fljótum, afabarn Björns Hermannssonar tollstjóra.

Lesa meira

Þriðja elsta félagið starfandi

21.05.2016

Skagfirðingafélagið í Reykjavíkur verður 80 ára á næsta ári, stofnað 1937, eins og fram hefur komið á síðunni. Eftir því sem næst verður komist er félagið hið þriðja elsta sem er starfandi. Aðeins Árnesingafélagið (1934) og Rangæingafélagið (1935) eru eldri. Þess skal getið að Austfirðingafélagið var stofnað í Reykjavík árið 1904 en var lagt niður árið 2002.

Lesa meira

Okkar maður í Stokkhólmi

10.05.2016

Okkar maður, Kristján Gíslason, er meðal bakraddasöngvara hjá Gretu Salóme þegar Ísland keppir í kvöld í fyrri undanúrslitunum í Eurovision í Globen í Stokkhólmi. Hann gaf sér tíma í miðju annríki til að svara nokkrum laufléttum spurningum. Þökkum honum fyrir það og sendum sterka strauma til Stokkhólms!

Lesa meira

Útileikir Stólanna í fótboltanum

01.05.2016

Tindastóll leikur í 3.deildinni í fótbolta í sumar, en fjölmargir leikir verða sunnan heiða og hafa verið settir inn á dagatal Skagfirðingafélagsins. Kvennaliðið er í 1. deild í Norðurlands- og Austurlandsriðli, en keppir í bikarnum gegn Gróttu á Nesinu 8. maí. Fyrsti útileikur karlanna verður á Fjölnisvelli 16. maí. Skagfirðingar syðra eru hvattir til að fjölmenna á þessa leiki.

Lesa meira

Allt að gerast á 80 ára afmælinu 2017

30.04.2016

Aðalfundur Skagfirðingafélagsins í Reykjavík fór vel fram á Rauða ljóninu á dögunum. Bjarni Fel mætti að vísu ekki en stjórnin var endurkjörin með dúndrandi lófaklappi! Framundan eru ýmsir spennandi hlutir í tengslum við 80 ára afmæli félagsins á næsta ári.

Lesa meira

Aðalfundur á Rauða ljóninu

22.04.2016

Aðalfundur Skagfirðingafélagsins fer fram sunnudagskvöldið 24. apríl á Rauða ljóninu á Eiðistorgi Seltjarnarnesi, kl. 20. Skýrsla stjórnar flutt og hefðbundin aðalfundarstörf. Fundurinn öllum opinn á meðan húsrúm leyfir.

Lesa meira